Atla fyrir dómsmálaráðherra

Skoðanakönnun Stöðvar 2 fyrirSuður kjördæmi eru góðar fréttir fyrir vinstrimenn. VG bætir stórlega við sig, Atli Gíslason flýgur á þing ásamt Ölmu Lísu Jóhannsdóttur. Atli Gíslason er að mínu áliti ekki einungis gott þingmannsefni, heldur á að verða næsti dómsmálaráðherra okkar. Það er löngu kominn tími til að hrista upp í dómsmálaráðuneytinu og enginn betri en Atli til að gera það.

Stóraukið fylgi VG í Suðurkjördæmi

Kjarninn í kosningunum

Kjarninn í komandi kosningum er réttlæti. Við íslendingar höfum lengi verið þeirrar gæfu aðnjótandi að búa í samfélagi þar sem jöfnuður er meiri en gerist og gengur í kringum okkur. Ríkisstjórn Sjálfstæðisflokks og Framsóknar hefur unnið markvisst að því að auka ójafnræði í samfélaginu, eins og VG bendir á. Hér eru nokkrir góðir punktar úr áætlun VG um að útrýma fátækt:

 

• Því miður er erfiðara að vera tekjulítill og sjúkur nú en þegar Sjálfstæðisflokkur og Framsóknarflokkur hófu samstarf árið 1995.

• Það er erfiðara að vera tekjulítill og húsnæðislaus en það var árið 1995.

• Það er erfiðara að vera tekjulítill og með börn á framfæri en það var árið 1995.

• VG mun einbeita sér að því að allir fái notið hins besta sem íslenskt samfélag hefur upp á að bjóða.

Það er lífsnauðsynlegt að snúa af þeirri hræðilegu braut sem íslenskt samfélag er dregið eftir af núverandi ríkisstjórn. Þrátt fyrir að heildarskattbyrðin á Íslandi hafi aukist töluvert á síðustu 16 árum, þá hefur skattbyrði þeirra tekjuminnstu aukist. Þetta er einsdæmi. Þegar Thatcher lækkaði skatta stórlega í Bretlandi þá lækkaði hún þá vissulega mest hjá hátekjufólki. En skattar lágtekjufólks ukust allavega ekki. En á Íslandi gerðist það fáheyrða óréttlæti að skattar af fjármagni, hátekjufólki og fyrirtækjum lækkaði meðan skattar á þeim lægst launuðu jukust. Þetta þýðir einfaldlega að átt hefur sér stað stórfelld tekjufærsla frá þeim sem minna meiga sín til þeirra efnuðu. Og þessu er ríkisstjórnin stolt af!

Mál er að linni. Við verðum að henda stjórnarflokkunum úr stjórnarráðinu og byrja að hreinsa til. Forgangsverkefnið er að færa skattbyrðina aftur af mjóu bökunum yfir á þau breiðari. Það er einfaldlega réttlætiskrafa að láglaunafólkið fái það til baka sem ríkisstjórnin er búin að taka frá þeim og setja í vasa hinna ríku. Þetta hefur ekkert með öfund að gera, þetta er bara spurning um réttlæti.

 

VG leggur fram áætlun um að útrýma fátækt á Íslandi

Hjálp!

Uwe Reinhardt er örugglega ánægður hversu mikla athygli háðsádeilan hans hefur fengið. En maður sér á viðbrögðum sumra við greininni að þeir eru skilja ekki kaldhæðni. Ísland var valið til þess að sýna fram á fáránleika mögulegra loftárása Bandaríkjahers á Íran, einmitt vegna þess hversu fáránlegt öllum þætti að ráðast á Ísland. Svo einfalt er það. Samt skilst manni að einhverjir krefist þess að Reinhardt biðji íslendinga afsökunar. Fyrir hvað? Og svo sér maður að prófessorinn hefur fengið morðhótanir frá einhverjum Magnúsi Schram, sem ekki einungis afhjúpar skilningsleysi sitt heldur einnig rasisma sinn með þessu "frábæra" innleggi:

"You are a bloody motherf—ker," Magnus Schram wrote to Reinhardt last night. "It would please [me] if you would die in flames ... your ancestor was probably a poor Irishman who traveled across the sea in search for a better life."

Í alvöru, menn ættu að passa sig þegar þeir senda tölvupóst áður en þeir verða sjálfum sér og íslendingum almennt til skammar.

Mikil viðbrögð við grein háskólaprófessors um sprengjuárás á Ísland

Beitt háðsádeila

Uwe E. Reinhardt prófessor í Prinston skrifar hér magnaða háðsádeilu á G.W. B*sh júntuna í Washington. Ísland er auðvitað valið viljandi sem fáránlegt skotmark, til að sýna fram á fáránleikan í allri utanríkisstefnu bandarísku ríkisstjórnarinnar. Ísland er vel valið sem efni þessarar háðsádeilu vegna þess að slíkt afhjúpar í raun hversu fáránlegt þetta allt er.

Nær að sprengja Ísland en Íran

Æ, æ strákar, komst upp um ykkur

Nokkrir stuttbuxnadrengir (eða drengur) hafa stofnað grínsíðuna Bleika Eldingin. Þessi síða virðist hafa það að markmiði að gera lítið úr femínistum og femínisma með því að setja inn hlægileg innlegg, eins og þetta innlegg um Hillary Clinton. "Stærstur hluti hópsins er háskólamenntaðar konur", eiga að vera aðilarnir bak við síðuna og segir sig sjálft að hér eru á ferðinni strákar sem eru fastir í klisjum um hverjir femínistar eru. Svo er gestapennum boðið að senda innlegg inn, líklega til að veiða einhverja nafnkunna femínista.

Hugmyndin er svo sem ágæt og má alveg hlægja að þessu, en menn verða að kunna að taka því að upp um þá komist.  Þar sem  ég sá að  þetta var augljóslega grínsíða setti ég inn tvö létt komment  um að hér væru augljóslega grínarar á ferð. En greyin kunna greinilega ekki að höndla brandarann vel, enda fjarlægðu þeir kurteisleg innlegg mín með snari og bönnuðu mér að  kommenta á síðuna.  Brandarinn missir augljóslega marks þegar menn fara að ritskoða síðuna stórlega. Þeir áttu auðvitað að svara í karakter og  skamma mig fyrir að trúa því ekki að  valinkunnur hópur háskólamenntaðra kvenfrelsissinna stæði  bak við síðuna. Þeir hefðu getað sagt eitthvað  á þessa leið:

"Er þetta ekki dæmigert fyrir þessa karlembupunga? Þeim finnst  sjálfsagðar skoðanir femínista svo hlægilegar að þeir trúa því ekki að nokkur aðhyllist slíkar skoðanir. Vaknið upp strákar,  mæður ykkar, systur og kærustur láta ekki segja sér fyrir verkum lengur. Þetta er enginn brandari, okkur er fúlasta alvara."  En þar sem greyin bak við Bleiku Eldinguna virðast ekkert allt of klárir, þá kunna þeir þetta ekki. Þeir eyðilögðu brandarann með desperat ritskoðunum til að  það komist ekki upp um þá.  Jæja, þetta stóð stutt.

Verða þrír smáflokkar á þingi?

Samkvæmt þessari skoðanakönnun stefnir í það að það verði þrír smáflokkar á þingi, auk stóru flokkanna Sjálfstæðisflokksins, VG og Samfylkingarinnar. Það kæmi mér ekki á óvart að þrír 5-10% flokkar, Framsóknarflokkurinn, Frjálslyndi Flokkurinn og Íslandshreyfingin myndu festa sig í sessi og vera róterandi á þessu einstölu bili í kosningum. Framsóknarflokkurinn stefnir í það að vera stabíll smáflokkur, svipað og gömlu bændaflokkarnir í Svíþjóð og Noregi sem hafa verið á þessu 5-10% fylgisbili lengi. Þróunin er bara aðeins seinni hér á Íslandi. Það sem er líka öðruvísi hér á landi er að vinstrisósíalískur flokkur er mun sterkari en á hinum norðurlöndunum. Þetta hefur hins vegar verið staðreynd lendi á Íslandi. Mér sýnist við vera að færa okkur úr 4 flokka kerfi yfir í 3+3 kerfi, þ.e. 3 stórir flokkar og 3 smáflokkar. 

Vægi minnstu flokkanna að aukast

VÍS stjórn í burðarliðunum?

Þá er komin fram fyrsta skoðanakönnunin eftir að framboð Íslandshreyfingarinnar kom fram. Það stefnir í það sem ég spáði að flokkurinn fengi um 5-6% fylgi. Sjálfstæðisflokkurinn fer mest niður, um 3% meðan VG fer niður um 2.3%. Framsókn festist í sessi sem einnar tölu flokkur og F er hægt og sígandi að þurkast út. Virðist að veiðiförin út í hið grugguga vatn útlendingafordóma reynast flokknum dýrkeypt. Eitthvað umhverfisverndarfylgi mun fara frá VG til Í, en vinstriflokkarnir V og S sameiginlega virðast halda sínu sæmilega vel. Það getur þó enn margt gerst í kosningabaráttunni.

Bestu fréttirnar við þessa könnun eru þær að samkvæmt henni eru Vinstrihreifingin, Samfylkingin og  Íslandshreyfingin með meirihluta á þingi, 16+14+3 þingmenn. Ef þetta yrðu úrslit kosninganna þá gæti næsta ríkisstjórn litið eitthvað svona út:

Forsætisráðherra:                             Steingrímur J. Sigfússon

Utanríkisráðherra:                            Össur Skarphéðinsson

Fjármálaráðherra:                            Ingibjörg Sólrún Gísladóttir

Umhverfisráðherra:                          Ómar Ragnarsson

Viðskipta og iðnaðarráðherra:          Ögmundur Jónasson

Menntamálaáðherra:                        Katrín Jakobsdóttir

Félagsmálaráðherra:                        Margrét Sverrisdóttir

Sjávarútvegsráðherra:                    Ágúst Ólafur Ágústsson

Dómsmálaráðherra:                         Atli Gíslason

Landbúnaðarráðherra:                    Björgvin Sigurðsson

Heilbrigðisráðherra:                         Þuríður Backman

Samgönguráðherra:                        Jóhanna Sigurðardóttir

Þetta yrði örugglega mjög góð ríkisstjórn.

 

 

 

Íslandshreyfingin með 5% fylgi samkvæmt skoðanakönnun Fréttablaðsins

Kraðak á miðjunni

Það vantar ekki miðjuflokka í stjórnmálin í dag. Nú er sjálfur Sjálfstæðisflokkurinn búinn að gefast upp á hægristefnu og skilgreinir sig nú sem miðjuflokk. Fyrir á miðjunni eru S, F og Í, auk þess sem B skilgreinir sig sem miðjuflokk þó nær væri að tala um Framsóknarflokkinn sem utan vinstri hægri skilgreininga, enda er flokkurinn stólaflokkur. Valið í kosningunum virðist því nú vera á milli eins stórs vinstriflokks, VG og kraðak flokka á miðjunni, þar sem hver höndin er uppi á móti annari. Valið er þá á milli sterks vinstriflokks eða miðjuflokkasundrungar. 

Þorgerður: Þátttaka okkar forsenda umburðarlyndrar miðjustjórnar

Íslandshreyfingin

Jæja, þá er það loksins komið, framboð Ómars og Margrétar, með prófkjaralúserinn Jakob Frímann í pakkanum. Einhvernvegin hef ég það á tilfinningunni að mómentið fyrir þessu framboði sé farið. Ómar og Margrét gætu komist inn á þing, sem væri ekki svo slæmt þar sem þau eru kraftmiklir einstaklingar bæði tvö sem gaman væri að sjá á þingi. Hins vegar held ég að framboðið endi ekki með meira en svona 5-6% fylgi, tekið jafnt frá stjórnaraflokkunum og stjórnarandstöðu. Til þess að þessi atkvæði falli ekki dauð niður þar framboðið að ná inn kjördæmakjörnum þingmanni í Reykjavík eða kraganum. Það er alls ekki gefið, en Ómar gæti náð í því kjördæmi þar sem hann fer í framboð.

Kynna framboð Íslandshreyfingarinnar

Íslandshreyfingin

Jæja, þá er það loksins komið, framboð Ómars og Margrétar, með prófkjaralúserinn Jakob Frímann í pakkanum. Einhvernvegin hef ég það á tilfinningunni að mómentið fyrir þessu framboði sé farið. Ómar og Margrét gætu komist inn á þing, sem væri ekki svo slæmt þar sem þau eru kraftmiklir einstaklingar bæði tvö sem gaman væri að sjá á þingi. Hins vegar held ég að framboðið endi ekki með meira en svona 5-6% fylgi, tekið jafnt frá stjórnaraflokkunum og stjórnarandstöðu. Til þess að þessi atkvæði falli ekki dauð niður þar framboðið að ná inn kjördæmakjörnum þingmanni í Reykjavík eða kraganum. Það er alls ekki gefið, en Ómar gæti náð í því kjördæmi þar sem hann fer í framboð.