Hausar skulu fjúka...

... og þeir sem eru ábyrgir skulu sæta ábyrgð. Það er almenningur sem kemur til bjargar bankakerfinu, almenningur á þá kröfu að þeir sem stefndu fjármálakerfinu í þrot sæti ábyrgð. Ríkisstjórnin ber pólitíska ábyrgð, seðlabankinn hefur brugðist skyldu sinni. Nýja sópa þarf í brúnna. Það er almenningur sem ber skaðann, almenningur á þá sjálfsögðu kröfu að þeir sem spiluðu fjárhættuspil á árum áður skili til baka bónusunum sem byggðu á fjárhættuspili. Skattleggja skal bónusa fyrri ára, það er fjarstæða að menn hafi fengið árlega margföld árslaun launafólks í bónusa. Svo skal setja nú þegar á 70% skatt á ofsalaun, bónusfurstarnir eiga að leggja sitt fram til samfélagsins. Spilavítiskapítalisminn í heiminum er hruninn. Endurskoða skal allt fjármálakerfi heimsins. Setjum Tobin skatt á allar fjármálafærslur í heiminum og notum peningana sem safnast til að útrýma örbyggð í heiminum og mennta næstu kynslóð fátækra landa. Nú er nóg komið. Ya basta!

Víðtækar heimildir til inngripa

Athugasemdir

[Sigurgeir Orri Sigurgeirsson, 7.10.2008 kl. 00:30]

Ég er ekki viss um að ofurskattheimta gangi upp, en ábyrgð skulu þeir sæta sem hana bera.

[Guðmundur Auðunsson, 7.10.2008 kl. 12:09]

Tobin skatturinn er allavega "no brainer". Við þurfum sterkt fjármálakerfi en fyrir íslenskar aðstæður. Eftir reiðina í gær þá er maður bara orðinn dofinn. Hvað verður um lífeyri landsmanna? Nú er ríkisstjórnin loksins kominn í réttan gír og það gerir mig vonbetri.