Æ, æ strákar, komst upp um ykkur

Nokkrir stuttbuxnadrengir (eða drengur) hafa stofnað grínsíðuna Bleika Eldingin. Þessi síða virðist hafa það að markmiði að gera lítið úr femínistum og femínisma með því að setja inn hlægileg innlegg, eins og þetta innlegg um Hillary Clinton. "Stærstur hluti hópsins er háskólamenntaðar konur", eiga að vera aðilarnir bak við síðuna og segir sig sjálft að hér eru á ferðinni strákar sem eru fastir í klisjum um hverjir femínistar eru. Svo er gestapennum boðið að senda innlegg inn, líklega til að veiða einhverja nafnkunna femínista.

Hugmyndin er svo sem ágæt og má alveg hlægja að þessu, en menn verða að kunna að taka því að upp um þá komist.  Þar sem  ég sá að  þetta var augljóslega grínsíða setti ég inn tvö létt komment  um að hér væru augljóslega grínarar á ferð. En greyin kunna greinilega ekki að höndla brandarann vel, enda fjarlægðu þeir kurteisleg innlegg mín með snari og bönnuðu mér að  kommenta á síðuna.  Brandarinn missir augljóslega marks þegar menn fara að ritskoða síðuna stórlega. Þeir áttu auðvitað að svara í karakter og  skamma mig fyrir að trúa því ekki að  valinkunnur hópur háskólamenntaðra kvenfrelsissinna stæði  bak við síðuna. Þeir hefðu getað sagt eitthvað  á þessa leið:

"Er þetta ekki dæmigert fyrir þessa karlembupunga? Þeim finnst  sjálfsagðar skoðanir femínista svo hlægilegar að þeir trúa því ekki að nokkur aðhyllist slíkar skoðanir. Vaknið upp strákar,  mæður ykkar, systur og kærustur láta ekki segja sér fyrir verkum lengur. Þetta er enginn brandari, okkur er fúlasta alvara."  En þar sem greyin bak við Bleiku Eldinguna virðast ekkert allt of klárir, þá kunna þeir þetta ekki. Þeir eyðilögðu brandarann með desperat ritskoðunum til að  það komist ekki upp um þá.  Jæja, þetta stóð stutt.

Athugasemdir

[ofurmennið (IP-tala skráð) 8.4.2007 kl. 03:21]

prófaðu að vera minna hrokafullur og leiðinlegur og þá nennir fólk kannski að skoða síðuna þína og þú gætir mögulega haft einhver áhrif á samfélagið.

[Guðmundur Auðunsson, 9.4.2007 kl. 09:38]

Voðalega eru þið eitthvað uppstökkir yfir því að það kafi komist upp um ykkur. Það mætti halda að þið takið brandarann of alvarlega. Þetta ritskoðunaræði ykkar á "bleiku eldingunni" til að reyna að koma í veg fyrir að menn fatti að þetta er allt lygi, er einfaldlega döpur. Sko, ef þið ætlið að reyna að vera fyndnir með því að "veiða" fólk á fölskum forsendum (það vita flestir nú að þið eruð ekki "háskólamenntaðar konur"), þá verða þeir að kunna að taka því að það sé flett ofan af þeim. Því miður strákar, leiðilegustu "brandarakallarnir" eru þeir sem ekki kunna að taka gríni sem er beint gegn þeim sjálfum. Slíkir einstaklingar eru bara daprir, ef þessi fullyrðing gerir mig "hrokafullann og leiðilegan" (að eyðileggja brandarann fyrir ykkur og gera grín að ykkur reikna ég með), só bí it.

[Þarfagreinir, 9.4.2007 kl. 16:20]

Já, mig grunaði strax að þetta væri grín. Gott að sjá að fleiri eru sömu skoðunnar. Þetta er nefnilega spaug sem er alveg mjög svo í anda stuttbuxnadrengja sem eyða meira púðri í að hæðast að 'andstæðingum' sínum en að ræða sína eigin barnalegu hugmyndafræði.

[Guðmundur G. Hreiðarsson (IP-tala skráð) 15.4.2007 kl. 18:36]

"..og þú gætir mögulega haft einhver áhrif á samfélagið."

Heyra í þessum aulahvolpi, maður kreppir ósjálfrátt hnefana og gnístir tönnum .