Lofar góðu en...

... nú verða vinstrimenn að taka á öllu sínu til að tryggja ríkisstjórninni sterkan meirihluta á þingi. Komandi kosningar eru þær mikilvægustu í árátugi og munu skipta sköpum í hvernig framtíðarland við munum byggja upp á Íslandi. Ég skora því á alla vinstrimenn að leggja sitt á vogarskálarnar og tryggja vinstra vor í ár. Nú er tekist á um grundvallarskoðanir. Viljum við byggja upp nýtt samfélag byggt á jöfnuði og réttlæti eða viljum við áframhald á því sama, einhverskonar "frjálshyggju light"? Byltingin er rétt að byrja.

VG upp fyrir Sjálfstæðisflokk

Athugasemdir

[Baldur Hermannsson, 30.3.2009 kl. 17:49]

Vinstri menn hafa aldrei getað stjórnað einu eða neinu. Ég vona samt þjóðarinnar vegna að VG og Samspilling fái nægan meirihluta til að geta hafnað Framsókn, það yrði ægilegt að hleypa þeim aftur að kjötkötlunum.

[Guðmundur Auðunsson, 31.3.2009 kl. 14:06]

Jahá, fannst þér þínir menn í Sjálfstæðisflokknum hafa staðið svo rosalega vel?

[Baldur Hermannsson, 31.3.2009 kl. 14:31]

Já, það finnst mér. Ef þeir hefðu ekki staðið sig með sóma, hvernig heldurðu þá að þjóðarbúið hefði getað staðið af sér þessi voðalegu áföll sem nú dynja yfir okkur?