Nú þarf að bretta upp ermarnar...

... þessi ríkisstjórn getur ekki verið "starfsstjórn". Of mikið er í húfi. Það þarf að hreinsa til í bönkunum, það þarf að rekja horfna peninga og frysta eigur fjárglæframannanna. Þó þessi ríkisstjórn hefði ekki meirihluta á þingi tel ég að hún geti náð miklu fram, Framsóknarflokkurinn mun ekki standa í vegi fyrir róttækum aðgerðum. Síðan verða kosningar í vor og þá rækilega tekið til í þingmannahópnum. Þá ætti góður meirihluti á þingi að geta skapast fyrir róttækum breytingum á íslensku samfélagi þannig að við reisum samfélag jöfnuðar og réttlætis úr rústum spilavítiskapítalismans. Byltingin er rétt að byrja!

Falið að mynda stjórn

Athugasemdir

[Ásthildur Cesil Þórðardóttir, 27.1.2009 kl. 15:14]

Já einmitt, þeir hafa sett fram óskalista sem þeir vonandi fylgja, þar með brottrekstur bankastjóra og stjórnar seðlabanka og frystingu eigna.  Aftur á móti held ég að þeir ættu að láta ESB alveg eiga sig í bili.

[Kristjana Bjarnadóttir, 27.1.2009 kl. 20:36]

Íhaldið er byrjað með áróðurinn, þeir hafa ekkert annað að gera næstu mánuði en hamast með söguburðinn, sannan, ýktan og loginn. Svo raka þeir að sér atkvæðum í næstu kosningum og stjórna svo "ever after".

Fólk er fífl með gullfiskaminni. Vonandi er ég fífl og hef rangt fyrir mér með þetta.

Annars bestu kveðjur til þín og þinna.

Áfram Röskva

[Guðmundur Auðunsson, 28.1.2009 kl. 15:34]

Þetta hefði e.t.v. átt við Ísland í gær Kristjana, en ég er viss um að þetta á ekki við Ísland í dag. D fær 22% fylgi í næstu kosningum.