Framsókn gerir upp við fortíðina

Framsóknarflokkurinn rær nú lífróðri til að bjarga flokknum frá útrýmingu. Mönnum fortíðarinnar er gersamlega hafnað, og klár ungur maður valinn til forystu. Það getur vel verið að honum takist að bjarga hræinu þó að ég sé þess efins að flokkurinn sé á vetur setjandi. E.t.v. tekst Sigmundi að bjarga því sem bjargað verður þannig að úr verði ca. 10-15% miðjuflokkur sem væri stjórntækur. Ef einhverjum tekst það þá væri það Sigmundi. Ég hef seint talist til aðdáenda Framsóknarflokksins, en verð að gefa þeim kredit fyrir að reyna að bjarga flokknum með því að kjósa Sigmund formann. Nú er bara að sjá hvort aðrir stjórnmálaflokkar nái þessu og sjái að það þarf að hreinsa út úr fjósinu.

Það sem mér finnst standa uppúr há Sigmundi er að hann segir réttilega að umræðan um mögulega aðild að ESB sé ekki það sem skipti máli nú. Fyrst þarf að takast á við efnahagshrunið. Það verður ekki gert nema með því að ríkisstjórnin fari frá með góðu eða illu.

Vill færa flokkinn frá hægri

Athugasemdir

[Ásthildur Cesil Þórðardóttir, 20.1.2009 kl. 09:32]

Æ ég veit ekki.  Það getur vel verið að þessi ágæti maður sé það sem dregur Framsókn upp.  En einhvernveginn lýst mér ekki á.  Það verður bara að koma í ljós ekki satt?

[Guðmundur Auðunsson, 21.1.2009 kl. 11:24]

Ég er þér sammála Ásthildur að flokkshræinu verður varla bjargað úr þessu. Held reyndar að fáir munu síta það að Framsóknarflokkurinn hverfi úr pólitík.