Gamli maðurinn kemst beint að kjarna málsins.

Það sem hann telur mikilvægasta verkefni nýja forsetans er að berjast fyrir friði í heiminum og gegn fátækt og sjúkdómum. Þetta þrennt hefur verið utanveltu í bandarískum stjórnmálum og vonandi hlustar Obama á Mandela og gerist sósíalisti eins og kempan, þó líklega megi hann ekki kalla þar sósíalisma. Bjarga þarf bandaríska heilbrigðiskerfinu og stunda stórfellda tilfærslu frá hinum ofsaríku bónusfurstum til fátæks bandarísks almennings

Sjálfur er ég hóflega bjartsýnn með Obama. Hann er auðvitað enginn róttæklingur á alþjóðamælikvarða, en hefur alla burði til að verða besti forseti Bandaríkjanna síðan Franklin Delano Roosevelt var og hét. Nú er bara að krossleggja fingur og vona að hann klúðri þessu ekki með einhverskonar clintonsku miðjumoði. Við á heimili mínu vonum auðvitað hið besta, enda eru þrír bandarískir ríkisborgarar heima hjá mér.

Mandela fagnar kjöri Obama

Athugasemdir

[Gunnhildur Reynisdóttir (IP-tala skráð) 8.11.2008 kl. 22:34]

Það er spurning hvað Obama getur gert mikið? Við vitum hversu rótgróið íhaldið er í Bandaríkjunum. Bara það að svartur maður var kjörinn forseti í þetta skiptið er kraftaverk út af fyrir sig. Og eftir 8 ára stjórn (lesist, óstjórn) Bush tekur trúlega langan tíma að hreinsa til. Þannig að ég er hrædd um að við verðum að bíða ansi lengi eftir byltingunni í USA... Fyrir utan það að ég er skíthrædd um að Obama verði hreinlega skotinn ef hann heldur sér ekki á mottunni. Munum Kennedy.