Undirskriftir: Við erum ekki hryðjuverkamenn

Ég vil vekja athygli allra á undirskriftaherferð sem einstaklingar með tengsl við Bretland höfum sett af stað. Slóðin er http://www.indefence.is/. Við viljum hvetja alla til að skrifa undir þetta til að leggja baráttu okkar til að losna við hryðjuverkastimpilinn og glæpamannastimpilinn sem búið er að setja á okkur hér í Bretlandi. Hugmyndin er síðan að fylgja þessu eftir með greinaskrifum í breskum fjölmiðlum, því verulega hefur hallað á okkur þar í umræðunni. Ég vil hvetja sem flesta til að skrifa undir áskorunina, því fleiri sem gera það, því meiri athygli fær átakið. Ég vil undirstrika að þetta er einungis borgaralegt átak einstaklinga, ávarp frá íslensku þjóðinni til bresku þjóðarinnar. Stjórnvöld eiga hér ekki hlut að máli. Sýnum nú samtakamátt okkar og skrifum undir.

Landsbankinn af hryðjuverkalista

Athugasemdir

[Loftur Altice Þorsteinsson, 22.10.2008 kl. 16:17]

Guðmundur, ég er EKKI sammála einu atriði í undirskrifta-plagginu.

Ég hefi marg-oft fært fyrir því rök, að Gordon Brown er ekki að þjóna skammtíma-hagsmunum sínum.

Um er að ræða HEFND Breskra kommúnista (í Verkamanna-flokknum) vegna Þorskastríðanna og er tilraun til að neyða okkur til inngöngu í EB. Þannig munu Bretar komast aftur yfir fiskimiðin við Ísland.

Áætlun Breta var sett af stað snemma í sumar, meðal annars með því að fá seðlabanka Bandaríkjanna og Evrópu til að neita okkur um gjaldeyrisskiptasamninga.

Aðferð Bretanna var meðal annars sú, að setja beiðnir okkar í biðstöðu með vísan til IMF, þar sem þeir höfðu aðstöðu til að tefja málið. Um það sá Alexander Gibbs, sem 27.júní 2008 tók við starfi forstjóra hjá IMF.

Einnig var Gordon Brown í persónulegu sambandi við Henry Paulson og kom þannig meira að segja í veg fyrir að við yrðum með hinum Norðurlöndunum í gjaldeyrisskipta-samningi. Þeir Brown og Paulson lögðu á ráðin um útilokun okkar á fundi 02.júlí 2008, í London.