Þarf að taka vaxtaákvarðanir aftur til ríkisstjórnarinnar?

Enn og aftur lækka stýrivextir Seðlabankans allt of lítið. Virðist sem AGS stjórni vaxtastefnunni nær alfarið. Þetta getur ekki gegnið lengur svona. Nú er það spurningin hvort færa eigi aftur loka vaxtaákvörðunina til Fjármálaráðherra þannig að Seðlabankinn verði einungis umsagnaraðili. Fyrr á tímum voru það stjórnvöld sem tóku ákvarðanir um stýrivexti. Þegar frjálshyggjutrúarbrögðin voru sem sterkust þá varð það keyrt í gegn á vaxtaákvarðanir og peningamálastefna væri "tæknileg", þ.e. ætti einungis að viða við verðbólgumarkmið. Málið er að vaxtaákvarðanir eru miklu stærra mál og verður að taka með tilliti til breiðra efnahagshagsmuna, ekki einungis innan þröngs peningastjórnunarramma. Ég tel kominn tíma á að taka valdið aftur til kjörinna fulltrúa fólksins, þannig að breið efnahagssjónarmið ráði ákvörðuninni, ekki þröngar tæknilegar ákvarðanir.

Slaknað á peningalegu aðhaldi

Athugasemdir

[Svala Jónsdóttir, 4.6.2009 kl. 20:50]

Lækka of lítið miðað við hvað? Ekki miðað við verðbólguna, alla vega. Ertu viss um að Seðlabankinn hafi rangt fyrir sér varðandi það að hraðari vaxtalækkun geti orsakað hrun krónunnar?

[Guðmundur Auðunsson, 5.6.2009 kl. 13:36]

Svala, í fyrsta lagi er verðbólgan að fletjast út. Síðan ætti ekki að vera hætta á hruni krónunnar meðan gjaldeyristakmarkanir eru til staðar. Háir vextir eru að kyrkja allt, svo er það líka bónus að vextir af Jöklabréfunum lækka með lækkandi vöxtum.