Bravó Ögmundur

Ögmundur Jónasson sýnir hér mjög drengilegt fordæmi. Það vita allir að það þarf að spara í heilbrigðiskerfinu og draga úr launakostaði, sérstaklega hjá þeim sem eru með hærri launin. Með því að þiggja ekki ráðherralaun í þessari ríkisstjórn sýnir Ögmundur frábært fordæmi. Það er ekki sama hvar er sparað en það ætti öllum að vera ljóst að með slíkan afburðarmann sem Ögmund í forsvari fyrir heilbrigðismálunum verður ekki skert þjónustan hjá þeim sem síst skildi. Enn og aftur, bravó Ögmundur.

Ögmundur fær ekki ráðherralaun

Athugasemdir

[Sveinn Örn (IP-tala skráð) 25.3.2009 kl. 18:15]

Þetta eru frábærar fréttir. Ögmundur leggur aldeilis línurnar. Á sama tíma og Guðlaugur og aðrir sjálfstæðismenn gera sitt besta til að leggja niður þjónustu við þá sem minnst mega sín ...til að geta aukið þjónustu við HINA (þá ríku, þá sem mest mega sín) kemur Ögmundur og tekur til, lagfærir jafnvægið.

Fyrir þau laun sem Ögmundur fórnar fyrir þessa 80 daga í embætti, er hægt að greiða ljósmóður laun í amk 150 daga... 5 mánuði!

Eitthvað meira um þetta að segja? Já kannski helst að Sjálfstæðismenn hugsa mest um sjálfa sig, minnst um aðra. Þá eru þeir haldnir þeirri hvimleiðu veiki að telja að með því að hugsa mest um sjálfan sig hjálpi þeir öðrum (brauðmolakenningar og annað skemmtilegt). 

Nú er bara að krossa fingur og vona að þeir sem ekki eru algjörlega heilaþvegnir af ruglinu í frjálshyggjuhægrimönnum og öðrum í sjálfstæðisflokknum, kjósi EITTHVAÐ ANNAÐ. BARA EITTHVAÐ ANNAÐ: Það verður borgarastyrjöld ef Sjálfstæðismenn komast til valda.

[Finnur Bárðarson, 25.3.2009 kl. 18:18]

Já frábært. En það mun ekki vanta fólk sem mun gera þetta tortryggilegt og spinna út frá þessu.

[Ásthildur Cesil Þórðardóttir, 26.3.2009 kl. 10:32]

Mjög gott mál og til eftirbreytni.