Ég studdi "hryðjuverkamenn"

Á 9. áratugnum var ég mjög aktívur í stuðningsbaráttu við frelsissamtökin ANC, sem voru (og eru greinilega enn) skilgreind sem hryðjuverkasamtök af hálfu Bandaríkjastjórnar. Margaret Thatcher varð t.d. æf yfir því að Ken Livingstone skildi láta reisa brjóstmynd af Nelson Mandela, sem þá var í fangelsi, við South Bank listamiðstöðina í London. Hún kallaði Mandela hryðjuverkamann. Formlega virðast ANC enn vera skilgreind sem hryðjuverkasamtök í Bandaríkjunum. Það sem verra er, bandaríkjastjórn áskilur sér rétt til að handtaka aðildarmenn "hryðjuverkasamtaka" og senda þá til Guantanamo. Ekki nóg með það, þeir áskilja sér rétt til að handtaka stuðningsmenn "hryðjuverkasamtaka" og senda þá til Guantanamo eða einhverra pyntingabúða CIA út um allan heim. Ég tók þátt í að fjármagna "hryðjuverkasamtök" þar sem ég var þátttakandi í fjársöfnun sem rann til ANC. Það skildi aldrei vera að maður ætti á hættu að lenda í Guantanamo vegna þessa?

Mandela enn skilgreindur sem hryðjuverkamaður

Athugasemdir

[Ásthildur Cesil Þórðardóttir, 10.4.2008 kl. 14:25]

Ég myndi ekki útiloka það, svei mér þá, ég veit ekki hvað þetta er að verða með heiminn. 

[þorsteinn Úlfar Björnsson (IP-tala skráð) 10.4.2008 kl. 14:48]

Þarna er Kananum rétt lýst. Skilgreina, skilgreina og leysa svo vandamálin með skotvopnum.

Passaðu þig bara á því kallinn minn að minnast aldrei á Al kaída eða Osama bin Laden í mailum eða bloggi. Þá verðurðu kannski sóttur og sendur í langt frí í Karíbahafinu. Þú færð reyndar appelsínugulan galla og vel loftræst sér herbergi með "room service":-)

[Heiður Helgadóttir, 17.4.2008 kl. 17:01]

Þakka innlitið hjá mér, vona að þú fáir aldrei appelsínugula gallann