Ótrúlegur hroki

Hvílíkur hroki. Davíð er gersamlega dottinn úr tengslum við raunveruleikann. Hann er í dag aumkunarverð persóna sem átti að baki glæstan pólitískan feril sem nú er í svaðinu. Hann er okkar Geore W. Bush, pólitíkus sem gert hefur ótrúlegan skaða en virðist ekki fatta það. Davíð fór fyrir ríkisstjórninni sem einkavinavæddi banka almennings, gaf þeim frjálsar hendur við að breyta Íslandi í spilavíti þar sem allir vinningar fóru í vasa gæðinganna en tapið var borið af almenningi. Svo brást hann gersamlega vaktina sem seðlabankastjóri. Til að kóróna verkið hefur hann gert Ísland að athlægi sem einn fáránlegasti seðlabankastjóri mannkynssögunnar, opnar varla muninn án þess að kosta okkur milljarðatugi. Það eina jákvæða sem virðist koma frá honum er að menn geta skemmt sér við að lesa grínsögur af honum í heimspressunni. Hann hefur talið sér trú um að þetta sé öllum öðrum að kenna, hann hafi alltaf varað við þessu og bla bla bla. Það liggur við að maður vorkenni kallinum, maður myndi gera það ef hann hefði ekki valdið svona miklum skaða og heldur áfram að valda skaða með hverri mínútu sem hann situr í nokkru embætti. Ég held að sjálfstæðismönnum hljóti að líða eins og íhaldsmönnum í Bretlandi leið þegar Margaret Thatcher hélt áfram að bjóða"góðmenninu" og vini sínum Augusto Pinocet í te eftir að hún yfirgaf pólitíkina. En Bretar höfðu allavega vit á að hleypa frúnni ekki í neitt embætti sem skipti máli. Tökum Davíð á orðinu, hendum honum úr Seðlabankanum og látum hann fara aftur í pólitík og verða sér að athlægi þar.

Vissulega er Davíð fjarri því að vera eini blóraböggullinn. Auðvitað eru bónusfurstarnir og fjárglæframennirnir aðal sökudólgarnir. Sjálfstæðisflokkurinn er aðal sökudólgurinn pólitískt og samstarfaðilar þeirra í ríkisstjórnum, Framsóknarflokkurinn og Samfylkingin eru líka sekir. Síðastnefndi flokkurinn brást pólitískt  vaktina og hefur gersamlega brugðist við stjórn kreppunnar. Allir sökudólgarnir sitja enn í stöðum sínum, bönkunum er stjórnað af sama fólki og eignir almennings seldar (gefna) til vildarvina með leynd. Það er löngu komið nóg. Það þarf að skipta um allt settið, ríkisstjórnina, seðlabankastjórnina og allt settið sem stjórnar enn almenningsvæddu bönkunum. Ya basta!

Davíð: „Þá mun ég snúa aftur"

Athugasemdir

[Björn (IP-tala skráð) 4.12.2008 kl. 10:19]

Sammála því sem þú segir. Mér finnst raunar sorglegt hvernig komið er fyrir Davíð eins klár maður og hann er. Auðvitað er þetta ekki allt honum að kenna og það mættu fleyri fjúka. Mér finnst hugmyndin um að sameina Seðlabankann og FME mjög góð og þá er hægt að skipta öllu liðinu út án mikilla átaka. Nú er bara fyrir Geir að drífa í því.

[Kristín (IP-tala skráð) 4.12.2008 kl. 15:30]

Davíð er greinilega alvarlega veikur ,hann skilur ekki að fólkið í landinu er búið að fá nóg af frekjunni í honum og VILL HANN EKKI.

Varla mætir hann bara inn á þing eins og ekkert sé.

Fólkið í landinu VELUR !

[Kristjana Bjarnadóttir, 4.12.2008 kl. 21:57]

Þegar ég skoðaði blöðin í morgun fannst mér eins og það væri verið að hræða mig með yfirvofandi draugagangi.

Ég varð ekkert hræddari en ég er, það er skelfilegra að hafa karlinn þar sem hann er heldur en fá hann í pólitík.

[Guðmundur Auðunsson, 5.12.2008 kl. 10:50]

Hvort Davíð sé veikur eða ekki vil ég ekki dæma um, en það er örugglega til sálfræðilegt hugtak fyrir því sem hann þjáist af. Líklega um einhverskonar persónuleikaröskun að ræða, heimurinn virðist snúast um hann, hann virðist vera í einhverri persónulegri herferð til að sanna að hann einn viti, allir aðrir eru fífl sem hlustuðu ekki á hann o.sv.fr. Það merkilega er að ég er viss um að hann trúir því statt og stöðugt að hann beri enga ábyrgð og sé í raun sá eini sem geti bjargað málunum. Siðblindan er slík að hann fattar einfaldlega ekki að hann er stór hluti af vandamálinu.

Kristjana, ég er þér sammála um að fá hann aftur í pólitíkina, látum hann stofna nýjan flokk og komast e.t.v. inn á þing við annan mann eins og Framsókn gerir. Hann þarf að fara burt úr seðlabankanum og það í gær.

[Einar Ólafsson, 10.12.2008 kl. 14:35]

Þakka þér fyrir, þetta er hárrétt hjá þér. Og niðurlagið líka - mér finnst stundum heldur mikið einblínt á Davíð og ríkisstjórnina, sem auðvitað eiga að víkja, - en málið er að allt er enn að mestu í sömu höndunum og fjárglæframennirnir, hinir beinu þjófar og skemmdarverkamenn, eru leynt og ljóst að hramsa allt undir sig aftur sem þeir hafa misst úr höndunum - fyrir nú utan það að miklum hluta ránsfengsins halda þeir áfram átölulaust. Það mætti kannski horfa meira til þess. Það er auðvitað mikilvægt að skoða vel vettvang glæpsins - og, vel að merkja, ekki bara yfirborð hans - en sjálfum glæpnum má þó ekki gleyma.