Gersamlega óþolandi

 

Að senda Paul Ramses í "faðm" Berlusconi klíkunnar á Ítalíu er hneyksli. Ríkisstjórn Ítalíu er full af útlendingahöturum sem eru alls vísir til að senda hann í (hugsanlega) dauðann. Þeir munu líklega afsaka sig með því að hann hafi engar rætur á Ítalíu. Hann er með rætur á Íslandi, var þar við vinnu og á þar fjölskyldu. Það er ekki of seint að viðurkenna mistökin og bjóða Paul velkominn aftur heim til Íslands. Hvar er Samfylkingin, hvar er Ingibjörg?

Verði þessu stjórnarfarsofbeldi ekki hnekkt þá lýsi ég því hér með yfir að ég mun berjast af hörku gegn því að Ísland fái sæti í Öryggisráði SÞ. Ég hvet alla samlanda mína til hins sama. Ég lýsi því líka yfir að ég er tilbúinn að borga fyrir hluta af heilsíðuauglýsingu í New York Times þegar kemur að kjörinu í Öryggisráðið, sem vonandi yrði undirrituð af fjölda íslenskra ríkisborgara. Þar myndum við benda á þetta mál og hvetja ríki SÞ til að kjósa Ísland ekki í öryggisráðið. Boltinn er nú í höndum ríkisstjórnarinnar, það þýðir ekkert að skýla sér á bak við embættismenn.

 

Skrifum öll undir undirskriftarlistann.

Undirskriftarlisti til stuðnings Ramses

Athugasemdir

[sigurbjörn (IP-tala skráð) 4.7.2008 kl. 13:01]

Hann var hér ólöglega og hefur þar af engan rétt til að vera hér á landi.engin ástæða til að gera undanþágu sem gætu orðið fordæmi fyrir aðra flóttamenn.

[Guðmundur Auðunsson, 4.7.2008 kl. 13:05]

Sigurbjörn, hann var hér löglega svo lengi sem Schengen áritunin var ekki útrunnin. Hann sækir síðan eðlilega um hæli í því landi sem hann hefur rætur. Hann á konu og barn hér á landi, ekki á Ítalíu. Svo er líka eðlilegt að hann sé hræddur við Berlusconi hyskið.

Fordæmi fyrir aðra flóttamenn? Heldur þú virkilega að Ísland sé eða muni fyllast af flóttamönnum? Við tökum þegar við miklu færri flóttamönnum en flest rík lönd.

[Linda, 4.7.2008 kl. 13:27]

Frábært hjá þér! Þakka þér fyrir að taka á þessu líka, síðast þegar ég kíkti á undirskriftarlistann þá voru komnar 617 undirskriftir, við megum ekki láta deigan síga.

kv.

[Jenný Anna Baldursdóttir, 7.7.2008 kl. 14:42]

Takk fyrir þetta.